#DEBATA NA MANONTONG, #(JOB 23:10-17), ALLAH YANG KEKAL, #(Ayub 23:10-17), #Khotbah Minggu, #Minggu 19, # Setelah Trinitatis, #10 Oktober 2021, #Bahasa Batak
Video ini berisikan Khotbah tentang kesetiaan Ayub sebagai hamba Tuhan, yang tahan uji. Meskipun cobaan begitu berat menghadang tetapi dia tahan uji dan diberkati Tuhan 2 kali lipat.
Sai ingot do pe hita taringot barita ni sí Job dohot angka na masa tu dirina. Termasuk ma angka hamaolon na nasa tu dirina, so sitaonon ni hajolmaon be. Alai halak na daulat do ibana, na burju roha jala na biar mida Jahowa, huhut dipadao rohana sian hajahaton. Dison ma tarida songon pandohan: “dimana pun emas dilemparkan, keemasannya tidak akan pernah hambar, dia tetaplah emas”. Galumbang na sai balga manosak ngoluna, mangarimpashon haporseaonna tu Debata, ndang gabe muba semangat haporseaonna. Diloas Jahowa sibolis mangunjuni ibana, asal ma unang dibuat hosana. Dungi, aut gari so na daulat ibana, ra nunga tibu tadinghonna Tuhanna i marningot paet ni ngolu i. Ra nunga demon ibana songon keluargana i, laos dipadao dirina sian Tuhan i. Dang hinata. Tingki sonang jala mamora do asa dioloi Tuhan i manang gabe dipadao dirina uju ro pangunjunan, sahit dohot pardangolan?
Buku Job on pasahathon tu hita: na boi do songgop sitaonon tu angka sibahen na denggan manang tu angka na burju maradophon Tuhan i. Tangkas do i tarida di ngolu ni si Job, ibana sahalak na bonar, sahalak na mabiar tu Jahowa, jala sai paholang dirina sian hajahaton (Job 1:1-8). Menurut portibion, ala haburjuonna, patut do nian ibana dao sian sitaonon. Hape sabalikna do na masa di si Job, diloas Jahowa ibana marungkil, na tongtong do burju si Job tu Debata nang pe diae na hansit. Laho mangalo pingkiran ni sibolis na mandok: burju pe si Job tu Debata, ala na dipasupasuhon Debata do tu ibana arta na godang (Job 1:9-11). Alani ma dipatudubon Debata tu si bolis, na burju do si Job, ndang ala ni pasupasu i burju ibana tu Debata, (Job 1:12). Diloas Debata si Job mangae sitaonon, suda artana, mate sude anakna. Jala mangae sahit na jorbut ai modom di atas orbuk ibana. Ndang holan i dope sitaononna, mandao sude sian ibana, pardihutana, sisolhot dohot alealena. Tamba arsak ni si Job ala didok alealena, “Tagamon ma ro na porsuk molo denggan niula?” (Job 4:7). Pardihutana pe dohot manambai arsakna, diela ibana mamurai Debata (Job 2:9). Alai nang pe songon i dokdok ni sitaonon i, monang do si Job di sitaonon i, unduk do ibana tu Debata. Ra, torop do sian hita na manetek iluna molo dijaha barita taringot tu parsorion ni si Job. Alai godang do na dapotan parsaulian dung dijaha barita i, ai gabe dapotna alus taringot tu haburjuon ni Jahowa maradophon jolma na hot marhaporseaon. Ndang marisuang hasatiaon ni si Job tu Jahowa, ala di ujung ni barita i, silompit dua do dijalo ibana sian Debata singkat ni na mago sian ngoluna. Alai tahe, ndang sude hita rade manaon. Ise ma tutu na olo manaon songon niae ni si Job i? Ingkon jola marsingkor asa dapotan parsaulian. Sintasinta dohot panghirimonta naeng ma nian uli ngolu on jala singkop. Lomoan do hita di hasonangan sian hasusaan, jala toropan do na mangalului sian jalan pintas. Sude do hita ra songon i, Tutu ndang sala pamingkirion i, asal ma tongtong taingot Debata do nampuna hita. Ibana do silehon nasa na adong di ngolunta. Taingot ma, molo ingkon pe masa ragam ni sitaonon i di ngolunta, na so pasombuon ni Debata hita tinggang di sitaonon i holan hita manuhuksa.
Ida ma hot ni haporseaon ni si Job on, nang pe bagas ibana mangae sai dipuji ibana do Debata "Jahowa do mangalehonsa, Jahowa do muse mambuatsa, pinuji ma goar ni Jahowa" (Job 1:21b). Jelas do panandaionna tu Debata.
Torop do halak ro mamburai Debata molo hira humasusa ngoluna. Apalagi ma menyangkut sitaonon ekonomi, parsahiton dohot na asing. Intor diuhumi do Debata. Molo si Job ndang meret sian ibana haburjuon i, marsihohot do ibana manghaposi Jahowa. Dipatuduhon ibana do parsihohotonna di Jahowa tu pardihutana dohot tu alealena. Dipapatar si Job do na sihaposi Jahowa ibana nang pe porsuk sitaononna. Nang pe marudutudut parungkilon i ndang mardosa ibana tu Jahowa, alai ndang morot sian ibana pos ni roha di Jahowa. Diela donganna dohot pardihutana ibana asa manundalhon Jahowa (Job 2:9, 4:1-11). Marsihohot do ibana manghaposi Jahowa jala togu rohana mangadopi nasa parungkilon na niaena. Nang pe borat sitaononna, ndang manarita ibana tu Jahowa. Ndang ditundalhon ibana Debata, nang pe didok pardihutana tu ibana "sai tong dope marsihohot roham di hadaulatonmu? Burai na ma Debata asa mate ho" (Job 2:9).