13 Mifel kuoma chun a hring ngei ding a ni ka ti pha chun, a felna chu a ring a, suolna a thaw chun, a thilthaw felhai chu a ieng khom hrietzing ni naw ni a; amiruokchu a suolna a lo thaw taa chun chutaka chun thîng a tih. Hilai thu hin zankhat ka tiem zo chu ka lung hi a hung deng zawka. Ei thilthaw țhat le miha'n fel le țha an milo ruotna/tina hin famkim deu a inngaia vankaina hi lo sawn pal ei ti aw ti chu ka zuk inlau bek bek anih.chuongang chun ei lo in ngai pal hlau chun ei thaw suol ding a nih. Lalpan chun thi tin a mi lo pawm oek ding a ni sia.

Asan chu keikhawm hi hi hmalai khan chu mihai hin an min pâk ve hlaka, fel khawm hi ka lo hlaw rawn hlak a ni chu maw. Chun țha in ti deu khan a suol khawm ka thaw tho ,a țha khawm ka thaw tho a pahni in ka kawp a ni chu maw.Ana chu ka van kaina ding kha a milo țhuoi naw taluo kha Lalpan ka U Pa hmangin inhriet suokna a min nei tir cho a nih. "ka sang  khawm hi in ti țha,a ruoka suol a nih" inngaituo țha raw seh a mi ti hlak. A damnaw khan Ama a mamaw taka kan ngai kha keini a milo kawk khum ta dei ni chu "a damhai kha inngaituo țha lem ro kei mi ngaituo naw ro" ti'in. kan mit kha chu a lo van del ngei deh!
Amiruok chu vangnei tlak takin Lalpan mit varna a mi hung pêk ta a,chuongchun vankaina ding chun lungrila Pahni rawngbawl kha a lo thei naw hrim hrima. Chuleiin Pakhata hmin fai a lo țul tak meu a ni ti chu a min hmusuok tir a nih. I lum leh lum la i dei le dei rawh ti kha a nel. Lum silo dei silo hin van amin kai tir naw ding a nih. Pathien rawng bawl ding hin mani felna ringawt hin van a mi kai pui hnenaw ding a ni Pa mit hmu a hin. Ei van kaina ding chu krista felna eilo intawmpuina lem kha a lo ni dei ti hih theinghil țhak nawng ei tiu. Nakie hin mani felna le mihai mi tina fel, thawțha intînahai mei mei hi lo ring tum ve pal ei tih inlau um ka ti bek bek . Chu a ni lei chun hre suol lova Krista felna ințawmpuitu indik takhai le a thu zawmtuhai ni tum seng ei tiu.

Chun ei hang vang nei char char nawk zie chu Pathien hi a lo indik(fare) dan chu chang 16na Ama chunga chun thil a lo suksuol tahai chu a ieng khom hrietzing ni ta naw nih; dân ang le indik chu a lo thaw tâk lei chun a hring ngei ding a nih. a ti ni chu . Hring ami ti chun vanram chu ama leh ei chêng hmun khat thei ding tina ni chu ava ropui lawm lawm de maw . Ieng anga suol le tawphnawk/țawmkailo khawm lo ni ta inla khawm . Ama hrea ei beik kir/nghakir vei chun ei suol,ei țawphnawknahai po po chu a mi hriet pek ta naw ding a nih chu Halelluiah Lalpa chu inpakin um raw seh.
Chuong ang tak chu ama thu zawmtuhai le ringna innghat ngam a, a felna in țawpuituhai ei ni thei seng na ding Lalpan a thu mal mi sawm pek raw seh.

James Huolngo
17/08/2021 1:35am