#Video, #Khotbah (Bahasa Batak), #Jamita Minggu, #02 Mei 2021, #Mazmur 150: 1-6. #Psalm.150:1-6, #Sude na marhosa ingkon mamuji Debata, # Semua yang bernafas Memuji Tuhan
Video ini berisikan tentang kekuatan Allah dan manusia wajib memuji Dia.
Boasa ringkot pujionta Tuhan i ? Boasa ingkon manontong jala ingkon di bagasan habadiaon? Sada do sialana, ala naung ditompa Debata hita dohot tujuan mamaritahon hasangapon dohot hagogoonNa. Didok: "Umat yang telah Kubentuk bagi-Ku akan memberitakan kemasyhuran-Ku// I ma bangso na hujadihon i di ahu, mamaritahon hamuliaonku sogot. " Mamuji Tuhan patik parsuruonNa do i, jala songon angka anakNa hita ingkon unduk hita mangoloi patikNa (Jes. 43:21). Ganup jolma naung marpanggoarhon goarhu, jala naung hutompa bahen hasangaponku naung hujadihon ro di naung hubahen(Jes 43:7) Laos ido unok ni jamita minggunta on “Biarlah segala yang bernafas memuji TUHAN! Haleluya!/ Sude na marhosa ingkon mamuji Jahowa!” (Psalm 150:6) i. Nian godang nai dope alasanta umbahen ringkot mamuji Debata, termasuk alasan haluaon nang pasu-pasu angka naung tajalo. Na umbalga, ala marhosa dope jolma i, dengganma pujionna Debata.
Ngolunta on boi do patudosanta songon irama musik lagu, terkadang habegean nanget, terkadang ingkon lambat, alai sipata ma i ingkon doras, semakin gogo manang lam lambok, songon ima muse mulakna. Alai tung saluhutna i boi ma antusanta i ima paduan ni nada dohot suara na uli gabe boi tarida laguna na mansai mangonai. Boi terasa tu pusu-pusu tabo, artina bermakna. Hita pe boi ma tapaihutihut irama ni ngolunta siganup ari. Sipata ma i gale panghilalaan, roma sitaonon i, lam gogo angka panahit, hape songgot ma ro hamalumon i gabe las ma rohanta ala boi malum angka sitaonon i, malum sahit i, ro ma sangka silas ni roha ala boi ditaluhon angka hamaolon i. Laos ima muse margantisorin ngolu i sipata songon na mandolok alai sipata hira na marlojong, ima irama ni ngolu i. Sipata marlas ni roha sipata arsak mandondoni. Alai sepanjang las rohanta di bagasan Tuhan i, pujionta ma Ibana silehon ngolu i, siparade upa ni hangoluonta, laos ingkon jaloonta do upa ni hangoluonta, tahalashon ma i di bagasan las ni roha. Laos di na manghalashon basaNa na godang i, ringkot tapuji Ibana ai Ibana mual ni hangoluonta.